Reyting.az saytından verilən məlumata əsasən, ain.az məlumatı açıqlayır.
Rusiyanın Samara vilayətinin sakini və yerli ictimai-siyasi fəal kimi tanınan Qriqori Yeremeyev vilayət dumasının iclası zamanı deputatlara səslənib.
Reyting.az-ın məlumatına görə, qəfil tribunaya çıxan Q. Yeremeyev deputatlara çağırış edib ki, onlar Rusiyanın prezidenti Vladimir Putinlə birlikdə bu ölkə tərəfindən hücuma məruz qalan Ukraynaya qarşı "Xüsusi hərbi əməliyyatın uğursuzluğunun məsuliyyətini bölüşsünlər". Lakin Yeremeyevə öz çıxışına davam etdirməyə imkan verilməyib və fəal bu çağırışın müqabilində sonradan 30 min rubl cərimələnib.
Vilayətin Leninski Rayon Məhkəməsində Yeremeyevin barəsində Rusiya ordusunun "diskreditasiyası" maddəsi ilə (KoAP 20.3.3) inzibati cərimə qərarı çıxarılıb. Məlum olub ki, onun barəsində yenidən açılan cinayət işi məhz 2025-ci ilin 23 dekabrında Samara qubernatorluq dumasında Q. Yeremeyevin çıxışdan sonra açılıb. Bəzi mənbələrə görə, bu əyalət fəalı demək olar, Rusiya Ədliyyə nazirliyinin reyestrinə, yəni "xarici agentlər" siyahısına real namizəddir.
Yeremeyevin çıxışında xüsusilə vurğulanıb ki, Rusiya ordusu Ukrayna cəbhəsində öz məqsədlərinə nail olmayıb və bu, tamamilə mümkünsüz görünür. O, həmçinin belə bir dəhşətli müharibənin xeyli insan itkilərinə və resursların israfına çevrildiyini də deyib.
Samaralı fəal deputatlara səslənən zaman onların da çox böyük bir sınaq qarşısında olduqlarını söyləyib. Yeremeyev Rusiyanın keçirdiyi xüsusi hərbi əməliyyatlar barədə həqiqəti deməyə, müharibə meydanındakı "uğursuzluğu" etiraf etməyə, buna görə də bütün məsuliyyəti prezidentlə bölüşməyə çağırıb.
Oqtay QORÇU
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
