Ermənistan və ABŞ arasında nüvə enerjisinin dinc məqsədlərlə istifadəsi sahəsində əməkdaşlıq haqqında saziş imzalanıb.
Bakıvaxtı.az xəbər verir ki, bu barədə Ermənistanın Baş naziri Nikol Paşinyan bildirib.
O əlavə edib ki, İrəvan Donald Trampın "Sülh Şurası"na qoşulmaq təklifini qəbul edib və Vaşinqtondan hərbi dronlar alıb.
ABŞ-ın vitse-prezidenti C.D. Vens öz növbəsində vurğulayıb ki, ABŞ Ermənistana 11 milyon dollar dəyərində kəşfiyyat dronları tədarük etmək və həmçinin pilotsuz uçuş aparatlarının müşahidə üçün istifadəsindəki inkişafları ötürmək niyyətindədir.
Vens əlavə edib ki, bundan əlavə, ABŞ Ermənistanın nüvə enerjisi sektoruna 9 milyard dollar sərmayə qoyacaq.
