Amerika Birləşmiş Ştatlarının şimal-şərqi rekord dərəcədə dondurucu bir qütb dalğasının təsiri altındadır.
Manset.az xarici mediaya istinadən xəbər verir ki, Nyu-York son illərin ən ağır soyuq hava hadisələrindən birini yaşamaqdadır. Kanadadan cənuba doğru hərəkət edən güclü Arktik hava kütləsi şəhəri zirvə nöqtəsində Antarktikadakı bəzi bölgələrdən belə daha soyuq edib.
Bazar günü Nyu-Yorkda temperatur -16 dərəcə Selsiyə qədər düşüb. Şiddətli küləyin təsiri ilə hiss olunan temperatur isə -26 dərəcə Selsiyə qədər geriləyib.
