Azpolitika.az saytından verilən məlumata görə, ain.az xəbər verir.
"Med Salary" mərkəzi həkimlərin ötən ilki orta illik maaşını açıqlayıb.
Məlumatlara görə, 2025-ci ildə həkimlərin orta illik maaşına görə ABŞ yenə də birinci yerdə qərarlaşıb. Bu ölkədə həkimlər il ərzində orta hesabla 310 min dollar qazanırlar. Sonrakı yerlərdə İsveçrə (260 min dollar), Birləşmiş Ərəb Əmirlikləri (240 min dollar) və Avstraliya (215 min dollar) gəlir.
Avropa ölkələrində həkim maaşları ABŞ və Körfəz ölkələri ilə müqayisədə nisbətən aşağıdır. Bununla belə, Almaniya, Hollandiya və Böyük Britaniya Avropada həkimlərin daha yüksək gəlir əldə etdiyi ölkələr sayılır. Məsələn, Fransada və Böyük Britaniyada həkimlərin orta illik qazancı təxminən 145–155 min dollar arasında dəyişir. Yaponiya və Kanada kimi inkişaf etmiş ölkələrdə isə bu göstərici 170–210 min dollar civarındadır.
Ölkələr üzrə orta illik həkim maaşları belə sıralanır:
ABŞ – 310 min dollar
İsveçrə – 260 min dollar
BƏƏ – 240 min dollar
Avstraliya – 215 min dollar
Kanada – 210 min dollar
Yaponiya – 170 min dollar
Almaniya – 165 min dollar
Hollandiya – 155 min dollar
Böyük Britaniya – 150 min dollar
Fransa – 145 min dollar
Azərbaycana gəldikdə isə Dövlət Statistika Komitəsinin məlumatına əsasən, 2024-cü ilin yanvar–sentyabr aylarında səhiyyə sahəsində çalışanların orta aylıq əməkhaqqı 926,4 manat olub. Bu da illik hesabla təxminən 6 540 dollara bərabərdir və göstərilən ölkələrlə müqayisədə xeyli aşağıdır.
"AzPolitika.info"
Sonrakı hadisələr barədə daha çox məlumat almaq üçün ain.az saytını izləyin.
