İsrail ABŞ-ı xəbərdar edib ki, Tehran "qırmızı xətləri" keçərsə, İranın raket proqramı obyektlərini təkbaşına vurmağa hazırdır. Bu barədə The Jerusalem Post (JP) təhlükəsizlik mənbələrinə istinadən xəbər verir.
Mənbələrdən biri nəşrə bildirib ki, "Amerikalılara dedik ki, İran ballistik raketlərlə bağlı müəyyən etdiyimiz qırmızı xətti keçərsə, təkbaşına zərbə endirəcəyik".
İsrail ordusu ABŞ-a əsas raket istehsalı sahələrinə zərbələr də daxil olmaqla bir neçə plan təqdim edib. Bir rəsmi şəxs hazırkı anı İranın raket infrastrukturuna qarşı əhəmiyyətli bir zərbə endirmək üçün "tarixi fürsət" adlandırıb.
Bundan əlavə, Qüds ABŞ-ın əsas təhlükəni aradan qaldırmayacaq məhdud zərbələr endirə biləcəyindən narahatlığını bildirib. İsrail hərbi mənbəyi əlavə edib ki, "Vaşinqtonun bir neçə hədəf seçib uğur elan edə biləcəyi və nəticələri ilə İsraili məşğul edə biləcəyi ilə bağlı narahatlıqlar var".
Əziz MUSTAFA
