Cebheinfo portalından alınan məlumata görə, ain.az xəbər verir.
Turizmin ən çox inkişaf etdiyi ölkələrdən biri də Yaponiyadır.
Turist sayının getdikcə artdığı Yaponiyada bu sektorla bağlı yeni qərarın tətbiqi nəzərdə tutulur.
"Cebheinfo.az" xəbər verir ki, Yaponiya Turizm Agentliyi 2030-cu ilə qədər ölkədə turizmin yaratdığı problemləri həll edən bölgələrin sayını 47-dən 100-ə çatdırmağı planlaşdırır.
Məqsəd, yerli həyata təzyiqi azaltmaqla yanaşı, turizmin iqtisadi töhfəsini artırmağa yönəlmiş yeni beş illik turizm planının bir hissəsidir.
Plan layihəsi ekspertlər panelinə təqdim edilib və kabinet tərəfindən təsdiqlənməsi gözlənilir. Yeni plan 2026-cı maliyyə ilindən qüvvəyə minəcək və Yaponiyanı hökumətin ildə 60 milyon xarici turist hədəfinə hazırlamağı hədəfləyir. Layihəyə görə, məqsəd illik turizm gəlirini 15 trilyon yenə (təxminən 87 milyard avro) çatdırmaqdır.
Yaponiyanın 2025-ci ildə təxminən 42,7 milyon xarici ziyarətçi ilə rekord qırarkən, turist xərclərinin isə 9,5 trilyon yen (təxminən 55 milyard avro) olduğu təxmin edilir.
Yeni plana əsasən, tıxac, səs-küy, tullantı problemləri və ictimai yerlərdə mənfi davranış kimi overturizmin təsirlərini aradan qaldırmaq üçün hazırlanmış pilot proqramların ölkə miqyasında tətbiqi planlaşdırılır. Hazırda bu proqramlarda 47 bölgə iştirak edir ki, bunun da bariz nümunələri Kioto və Okinavada yerləşən Taketomi adasıdır.
Layihələr yerli icmaların rəyləri ilə formalaşır. Bu tədbirlərə nəqliyyat vasitələrinin girişinin məhdudlaşdırılması, ziyarətçi axınının istiqamətləndirilməsi və tıxaclı ərazilərdə ziyarətçilərin sayının məhdudlaşdırılması daxildir.
Plan, xarici turistləri böyük şəhərlərə deyil, kənd yerlərinə yönəltmək məqsədi ilə 2030-cu ilə qədər bu cür proqramları 100 bölgədə həyata keçirməyi hədəfləyir. Rəsmilər vurğulayırlar ki, turizm fəaliyyətləri ilə yerli sakinlərin həyat keyfiyyətinin balanslaşdırılması prioritetdir.
Beş illik plana həmçinin iqtisadi məqsədlər də daxildir. Müvafiq olaraq, xarici turistlərin adambaşına orta xərclərini 229.000 yendən (təxminən 1320 avro) 250.000 yenə (təxminən 1440 avro) qədər artırmağı hədəfləyir. Məqsəd təkrar gələn turistlərin sayını 27,6 milyondan 40 milyona qədər artırmaqdır.
Plan layihəsində həmçinin Çinlə siyasi gərginlik və çinli turistlərin sayının azalması qeyd olunaraq, müxtəlif bazarlardan ziyarətçilərin cəlb edilməsinin vacibliyi vurğulanır.
Yaponiya Turizm Agentliyi bildirib ki, ziyarətçi profilinin şaxələndirilməsi həm iqtisadi dayanıqlılıq, həm də overturizmin (overturizm - ziyarətçilərin sayı yerli infrastrukturun və təbii və ya mədəni obyektlərin imkanlarını aşdıqda baş verir) idarə olunması üçün vacibdir.
Yekun tədbirlər paketinin 2026-cı ilin yazında kabinet tərəfindən təsdiqləndikdən sonra açıqlanması gözlənilir.
Nigar
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
