Bizimyol saytından alınan məlumatlara görə, ain.az xəbər verir.
İranın xarici işlər naziri Abbas Əraqçi ABŞ ilə mümkün nüvə sazişi çərçivəsində İslam Respublikasından yüksək dərəcədə zənginləşdirilmiş uran ehtiyatlarının üçüncü ölkələrə ixrac edilməsi ehtimalını istisna edib.
Bizimyol.info xəbər verir ki, bu barədə o, Qətərin "Əl-Cəzirə" televiziya kanalına verdiyi müsahibədə bildirib.
"Uranın zənginləşdirilməsi səviyyəsi bizim ehtiyaclarımızdan asılıdır. Zənginləşdirilmiş uran İran ərazisindən çıxmır", - deyə nazir qeyd edib.
29 yanvarda Rusiya xarici işlər naziri Sergey Lavrov Moskvanın 2015-ci ildə Rusiya İran üçün razılaşdırılmış miqdardan artıq zənginləşdirilmiş uran ixrac etdiyi kimi, İran və İsrail arasındakı gərginliyin azaldılmasına kömək etməyə hazır olduğunu bildirib.
6 fevralda Omanın paytaxtında İran və ABŞ arasında Tehranın nüvə proqramı üzrə böhranın həlli ilə bağlı danışıqların yeni mərhələsi keçirilib. İran nümayəndə heyətinə Əraqçi, Amerika nümayəndə heyətinə isə Prezidentin xüsusi elçisi Stiven Vitkoff rəhbərlik edib.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
