Rusiya xarici işlər naziri Sergey Lavrov Silahlı Qüvvələrin Baş Kəşfiyyat İdarəsinin (QRU) rəis müavini general-leytenant Vladimir Alekseyevə qarşı sui-qəsd cəhdini danışıqları pozmaq təşəbbüsü adlandırıb.
Herbiand.az xəbər verir ki, Lavrov general Alekseyevə qarşı sui-qəsd cəhdinin Kiyevin danışıqları daim pozmaq əzmini bir daha təsdiqlədiyini söyləyib.
Rusiya XİN başçısı bu məlumatı ATƏT rəhbərliyi ilə görüşün əvvəlində eşitdiyini bildirib: "Mən hansısa proqnozlar verməyə hazırlaşmıram. Bu mənim funksiyam deyil. Bunu ölkəmizin rəhbərliyi həll edəcək. Bu, terror aktıdır, növbəti dəfə Zelenski rejiminin daima təxribat törətmək, danışıqlar prosesini pozmaq əzmini təsdiqləyir".
