Yaponiyanın baş naziri Sanae Takaiçinin iştirak etdiyi video "YouTube"da iki həftədən az müddətdə 100 milyondan çox baxış toplayıb.
Publika.az xəbər verir ki, video hakim Liberal Demokrat Partiyasının kanalında yayımlanıb.
"Takaiçinin Mesajı: Gəlin yapon arxipelaqını güclü və çiçəklənən edək" adlı videoda baş nazir ritmik zərb alətlərinin müşayiəti ilə Yaponiyanın gələcəyi üçün dəyişiklik və qətiyyətli hərəkətə ehtiyac olduğunu bildirib. Baxış sayı 130 milyonu keçib.
Lakin Liberal Demokrat Partiyasının kanalında yerləşdirilən digər videolar oxşar rəqəmlərə çatmaması səbəbindən izləyicilər videoya şərh yazaraq, baxış sayının satın alınıb manipulyasiya edilə biləcəyini iddia edib. Şərhçilərdən biri zarafatla baxış sayının Yaponiya əhalisini keçdiyini bildirib.
