5 fevralda Ukrayna müdafiə naziri Mixaylo Fedorovun texnologiya üzrə müşaviri Sergey Beskrestnov (Flash kimi də tanınır) Facebook-da Rusiya işğalçılarının Starlink peyk rabitəsinin itirilməsi səbəbindən bəzi hərbi əməliyyatları dayandırmaq məcburiyyətində qaldığını bildirib.
O yazıb: “Düşmən cəbhə xəttində belə problemlərlə yox, fəlakətlə üzləşir. Bütün qoşun komandanlığı və nəzarəti çöküb. Bir çox ərazidə hücum əməliyyatları dayandırılıb”.
Ekspert qeyd edib ki, Ukrayna qoşunları da özəl Starlink terminallarından istifadə edərək problemlərlə üzləşib və bu barədə “ağ siyahıya” daxil olanlara “dərhal məlumat verməyib”. Beskrestnov vurğulayıb ki, “[Məlumat] emalı prosesi davam edir”.
O, daha sonra rus işğalçılarının peyk interneti olmadan – bayraqlardan istifadə edərək rabitəni necə saxlaya biləcəklərini izah edən bir paylaşım edib.
Ukrayna müdafiə naziri Fedorov bu gün Telegram-da Starlink terminallarının “ağ siyahıları”nın gündə bir dəfə yeniləndiyini açıqlayıb. “Əgər terminalınızı qeydiyyat üçün təqdim etmisinizsə, lakin hələ işləmirsə, gözləməlisiniz. Bu, vaxt aparan çox genişmiqyaslı bir prosesdir. Həmçinin məlumatların real vaxt rejimində yoxlanılması üçün təqdim edilməsini təmin etmək üçün çalışırıq”, – deyə o izah edib.
//Samir Qurbanov, Editor.az
