ain.az, Avtosfer portalına istinadən məlumat yayır.
Kənd Təsərrüfatı Nazirliyi yanında Balıqçılıq və Akvakultura Mərkəzi 6 ədəd yeni xidməti avtomobil almağa hazırlaşır.
Avtosfer.az bu barədə Mərkəzə istinadən xəbər verir.
Məlumata görə, söhbət 1 ədəd SUV və 5 ədəd Pikap tipli (Double Cab) maşınlardan gedir. Satınalmanın ehtimal olunan dəyəri 500 min manatdır.
Balıqçılıq və Akvakultura Mərkəzi Prezident İlham Əliyevin 19 dekabr 2024-cü il tarixli fərmanı ilə yaradılıb. Onun nizamnamə kapitalı 1 milyon manatdır. Mərkəz balıqçılığın, o cümlədən akvakulturanın təşkili, idarə edilməsi, balıq və digər su bioresurslarının artırılması, istifadəsi, mühafizəsi və onlara nəzarət sahəsində fəaliyyət göstərən publik hüquqi şəxsdir.
Oxunub 56
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
