Səudiyyə Ərəbistanı Rise Tower tikməyi planlaşdırır. Binanın hündürlüyü 2000 metrə çatacaq ki, bu da hazırkı rekordçu olan BƏƏ-nin Dubay şəhərindəki Burj Khalifa göydələnindən iki dəfədən çoxdur.
Kompleksin 678 mərtəbəsində lüks otellər, yüksək səviyyəli restoranlar, panoramik müşahidə meydançaları və premium biznes mərkəzləri yerləşəcək.
Time Out Dubai-yə görə, göydələn Səudiyyə Ərəbistanının paytaxtı Ər-Riyadın şimalındakı Vision 2030 proqramının mərkəzi olacaq. Bu proqram Səudiyyə Ərəbistanının neftdən asılılığını azaltmaq, iqtisadiyyatını şaxələndirmək və ictimai səhiyyə, təhsil, infrastruktur, istirahət və turizmi inkişaf etdirmək məqsədi daşıyır. Bu, turizmin inkişafı və krallığın şəhər infrastrukturunun modernləşdirilməsi strategiyasının bir hissəsidir.
Şəhərsalma proqramına təkcə iki kilometrlik bir qüllənin deyil, həm də Səudiyyə Ərəbistanının ikinci ən böyük şəhəri olan Ciddədə bir kilometr uzunluğunda bir göydələn tikmək planları daxildir.
Əziz Mustafa
