ain.az, Qafqazinfo saytına istinadən bildirir.
İtaliyanın paytaxtı Romadakı “Lucina Bazilikasındakı San Lorenzo”nun bərpası zamanı mübahisəyə səbəb olan və İtaliya Baş naziri Corciya Meloniyə bənzədilən mələk fiqurunun təsvir olunduğu freska götürülüb.
“Qafqazinfo” xəbər verir ki, IV əsrə aid bazilika uzun illər ziyarətçilərin diqqətini cəlb edib, lakin freskadakı mələk fiqurunun üzünün Baş nazirin üzünə oxşarlığı ölkədə geniş müzakirələrə yol açıb.
Bazilikanın yepiskopu Daniele Miçeletti açıqlamasında bildirib ki, bərpa işləri zamanı üz ifadəsi çıxarılıb, çünki insanlar bazilikaya dua etmək və ibadət etmək üçün deyil, yalnız freskanı görmək və şəkil çəkmək üçün gəlməyə başlayıblar.
Bərpa direktoru Bruno Valentineti freskanın orijinal əsərə sadiq qaldığını iddia edərkən, bazilikanın kommunikasiya direktoru rahib Cülio Albaneze bunun düzgün olmadığını bildirir.
Freskanın bərpadan əvvəlki görüntüləri İtaliya mətbuatında yayımlanıb və ictimaiyyət fərqi görüb. Bu səbəbdən İtaliya Mədəniyyət Nazirliyi və bazilika administrasiyası bərpa işləri ilə bağlı araşdırma aparır.
Daha ətraflı məlumat və yeniliklər üçün ain.az saytını izləyin.
