Kabelləri oğurlayan şəxs tutuldu

ain.az, Unikal.az portalından verilən məlumatlara əsaslanaraq xəbər verir.

Paytaxtın Sabunçu rayonu ərazisində 1260 metr rabitə kabeli naməlum şəraitdə oğurlanıb.

DİN-in Mətbuat Xidmətindən "Unikal"a verilən məlumata görə, polis əməkdaşları tərəfindən keçirilən tədbirlə əməli törətməkdə şübhəli bilinən, əvvəllər dəfələrlə məhkum olunmuş 35 yaşlı H.Quliyev saxlanılıb. 

Zabrat qəsəbəsində isə vətəndaşlardan birinin həyətindən məişət əşyaları oğurlamaqda şübhəli bilinən, əvvəllər dəfələrlə məhkum olunmuş 63 yaşlı A.Abaşov saxlanılıb. Onun gecə saatlarında həmin evə daxil olmağa cəhd göstərdiyi, lakin qapını aça bilmədiyi üçün elə həyətdə olan məişət əşyalarını oğurlamaqla kifayətləndiyi müəyyən olunub.Faktlarla bağlı araşdırmalar davam etdirilir.

Daha ətraflı məlumat və yeniliklər üçün ain.az saytını izləyin.