"Sumqayıt"ın qış fasiləsində heyətinə qatdığı Emil Mustafayev Sportinfo.az-a açıqlama verib.
24 yaşlı yarımmüdafiəçi ilk olaraq böyük ümidlərlə çağırıldığı Azərbaycan millisindən uzun müddətdir kənarda qalmasına aydınlıq gətirib:
"Əvvəlki klubum olan "Çernomorets"də çox yaxşı çıxış edirdim. Üzərimə düşəni yerinə yetirirdim. Amma dəvət almırdım. Əlaqə saxlayan yox idi. Niyəsini bilmirəm. Yəqin ki, məşqçinin planlarına daxil deyildim".
O, "Azərbaycana gələndən sonra milli komandanın baş məşqçisi ilə aranızda hər hansı söhbət olubmu" sulına isə belə reaksiya verib:
"Ayxan Abbasovla aramızda hər hansı danışıq olmayıb. Ümumiyyətlə, sonuncu dəfə milliyə dəvət alandan sonra mənimlə əlaqə saxlayan olmayıb. Amma onu da bilirəm ki, məndən də çox şey asılıdır".
Mustafayev sonda "Sumqayıt"da olmağının yenidən yığmaya dəvət almaq şanslarına müsbət təsir edə biləcəyinə ümidin etdiyini sözlərinə əlavə edib:
"Sumqayıt"da olmağım üstünlükdür. Lakin yenə qeyd edim ki, özümdən çox şey asılıdır. Yaxşı çıxış edə bilsəm, mütləq dəvət gələcək. Və mən bundan çox şad olaram".
XANOĞLAN
