Liviyanın keçmiş dövlət başçısı Müəmmər Qəddafinin ikinci oğlu Seyf əl-İslam Qəddafinin Liviyada öldürüldüyü bildirilir.
Herbiand.az xəbər verir ki, Qəddafinin ofisi hadisəni "xain və qorxaq" hərəkət adlandıraraq, onun Əz-Zintan şəhərindəki iqamətgahına basqın edilərək öldürüldüyü barədə məlumat yayıb.
53 yaşlı Qəddafinin vəkili Xalid əl-Səidi “dpa” xəbər agentliyinə müvəkkilinin "öldürüldüyünü" təsdiqləyib. Əl-Ərəbiyyə televiziyası Qəddafi ailəsinə yaxın mənbələrə istinadən bildirib ki, 2011-ci ilin payızında öldürülən keçmiş Liviya hökmdarının oğlu Əz-Zintandakı iqamətgahının bağçasında güllələnib.
