ABŞ prezidenti Donald Tramp ölkədə hazırda tətbiq olunan mərkəzləşdirilməmiş səsvermə sistemindən imtina etməyə çağırıb. “The Wall Street Journal” qəzetinin yazdığına görə, bu bəyanat federal hökumətin fəaliyyətinin bərpası ilə bağlı qanun layihəsinin imzalanma mərasimi zamanı səsləndirilib.
Tramp xüsusilə Respublikaçılar Partiyasının üzvlərini ABŞ-də səsverməni “milliləşdirməyə” çağırıb. “Seçkilərin ədalətli olmasını istəyirəm və əgər hansısa ştat seçkini keçirə bilmirsə, düşünürəm ki, arxamda dayanan insanlar bununla bağlı nəsə etməlidirlər”, — deyə prezident bildirib. Onun fikrincə, seçkilərdə səsləri ştat hakimiyyət orqanları yox, federal hökumətin nümayəndələri saymalıdır.
“WSJ”nin sorğuladığı siyasətçilər prezidentin təkliflərini tənqid ediblər. Xüsusilə Senatda demokratların lideri Çak Şumer təşəbbüsü “açıq-aşkar qanunsuz” adlandırıb. Senatda çoxluğun lideri olan respublikaçı Con Tyun isə jurnalistlərə bildirib ki, seçkilərin federallaşdırılmasına qarşıdır və bunun “konstitusion məsələ” olduğunu vurğulayıb.
