Ümumdünya Səhiyyə Təşkilatı (ÜST), əsasən ABŞ-dan olan donor maliyyələşdirməsinin azalması fonunda, 2026-cı ildə 36 böhran bölgəsində təcili səhiyyə dəstəyi göstərmək üçün qlobal birliyə 1 milyard dollar tələb edib.
Ucnoqta.az bildirir ki, bu barədə ÜST-ün Səhiyyə Fövqəladə Hallar Proqramının icraçı direktoru Çikve İhekveazu Cenevrədə keçirilən brifinqdə bildirib.
Onun sözlərinə görə, bu vəsaitlər 36 fövqəladə vəziyyətdə səhiyyənin qorunması səylərini dəstəkləmək üçün nəzərdə tutulub. İhekveazu qeyd edib ki, bunlara Qəzza zolağı və Yaxın Şərq, Sudan, Ukrayna, Konqo Demokratik Respublikası, Haiti və Myanma daxildir.
ÜST nümayəndəsi əlavə edib ki, adətin əksinə olaraq, Vaşinqton ötən il oxşar təcili yardım müraciətinə cavab verən əsas donorlar arasında deyildi.
Onun sözlərinə görə, Avropa Birliyi, Səudiyyə Ərəbistanı və Almaniya təşkilata ən çox maliyyə dəstəyi verib.
