Milyarder İlon Mask kosmik şirkəti “SpaceX” tərəfindən süni intellekt (Sİ) şirkəti olan və eyni zamanda “X” sosial şəbəkəsinə (əvvəllər Twitter adlanıb) sahib olan “xAI”nı satın aldığını elan edib. Bu, xüsusilə orbitdə məlumat mərkəzləri qurmaq layihəsini həyata keçirmək üçündür.
Bakıvaxtı.az “LeFigaro.fr”ə istinadən xəbər verir ki, dünyanın ən varlı adamı “SpaceX” saytında dərc etdiyi mesajda yazıb: " “SpaceX”, Yer kürəsində (və ondan kənarda) ən iddialı şaquli inteqrasiya olunmuş innovasiya mühərrikini yaratmaq üçün “xAI”i satın aldı. Bu mühərrik süni intellekt, raket texnologiyası, kosmik internet, birbaşa mobil rabitə və dünyanın ən böyük real vaxt məlumat və söz azadlığı platformasını birləşdirir".
İlon Mask bu ilkin birləşməni “SpaceX”-in növbəti fəsli yerinə yetirmək üçün bir addım kimi əsaslandırıb: “Bu, orbitdə Yer kürəsindəkilərdən daha səmərəli nəhəng fotovoltaik elektrik stansiyalarının və süni intellekt məlumat mərkəzlərinin inşası deməkdir. Bu, futuristik layihə, Marsda bütöv bir sivilizasiya, Ayda muxtar bazalar yaratmaq ambisiyamızın bir hissəsidir”.
“Bloomberg”in məlumatına görə, birləşən şirkətin səhmlərinin hər birinin qiyməti təxminən 527 dollar olacaq və dəyəri 1,25 trilyon dollara çatacaq. Mənbə bildirib ki, birləşmə müqaviləsinin bir hissəsi olaraq “xAI” “SpaceX”in tam mülkiyyətində olan törəmə müəssisəsinə çevriləcək. “Financial Times”ın məlumatına görə, “SpaceX” təxminən 1,5 trilyon dollar dəyərində qiymətləndirmə üçün 50 milyard dollar toplamağı hədəfləyir.
Aydın Baxış
