Hollivud aktyoru Tom Kruz təcili olaraq Londonun Naytsbric məhəlləsindəki dəbdəbəli mənzilindən köçüb.
Ölkə.az xəbər verir ki, bu barədə "The Telegraph" nəşri məlumat yayıb.
Bildirilib ki, onun köçməsinin səbəbi eyni binada yerləşən "Rolex" mağazasında baş verən soyğunçuluq olub.
Nəşrin məlumatına görə, silahlı soyğun yanvarın 20-də baş verib. Daha sonra Kruz tez bir zamanda sözügedən ərazidəki evindən köçüb.
Xatırladaq ki, 2025-ci ilin noyabr ayında Tom Kruz kinoya verdiyi töhfəyə görə fəxri "Oskar" mükafatı alıb.(publika)
