Misirin Qahirə şəhərində iki mağaza çökmə səbəbindən yerə batıb. Sosial mediada yayılan videoda binaların yavaş-yavaş yoxa çıxdığı görünür.
Ölkə.Az-ın məlumatına görə, cəmi bir dəqiqə sonra təxminən 15 metr diametrində böyük, dərin bir çuxur peyda olub. Mağazalar burada çöküb.
Bildirilir ki, çökməyə başqa bir binanın tikintisi səbəb ola bilər. Tikinti işçiləri yaxınlıqda qazıntı işləri aparıb və çuxur qazıblar.
Qəzet həmçinin yerli polisə istinadən bildirir ki, mağazalara daxil olan iki nəfər xilas edilib. Onlar yüngül xəsarətlər alıblar.
