“Rosel” holdinqi (“Rostex”-in bir hissəsi) elektrikli nəqliyyat vasitələri üçün şarj stansiyalarının kütləvi istehsalına başlayıb. Bu stansiyalar sərt Sibir şəraitində -40°C-yə qədər temperaturda effektiv şəkildə işləməyə qadirdir. Stansiyaların istehsalı tamamilə Rusiyada lokallaşdırılıb.
Herbiand.az bu barədə “Rostex”-in mətbuat xidmətinə istinadən bildirir.
Məlumata görə, belə stansiyalar xüsusi olaraq Sibir bölgəsi və Arktika iqlimi olan ərazilər üçün hazırlanıb. O, istilik sistemləri və gücləndirilmiş istilik izolyasiyası ilə təchiz olunub. Avadanlıq -40°C-dən +50°C-yə qədər temperaturda səmərəliliyini qoruyur. Cihaz qar, şaxta, toz və nəmdən etibarlı şəkildə qorunur. Stansiya hətta ekstremal iqlim şəraitində sürətli doldurmanı dəstəkləyir.
Cihaz Krasnoyarskda yerləşən “Radiosvyaz” tədqiqat-istehsal müəssisəsində (“Rosel”-in bir hissəsi) istehsal olunur.
Bəxtiyar CƏFƏRLİ
