ain.az, Qaynarinfo portalından verilən məlumatlara əsaslanaraq xəbər verir.
Bu mətnə başlıqlar təklif edə bilərsən?
Bu gün – 2 fevral Gənclər Günüdür. Xatırladaq ki, Ümummilli Lider Heydər Əliyevin 1997-ci il fevralın 2-də imzaladığı Fərmana əsasən, bu tarix Azərbaycanda Gənclər Günü elan olunub. Həmin vaxtdan etibarən Azərbaycan MDB məkanında və Şərqi Avropa ölkələri arasında bu günü rəsmi və təntənəli şəkildə qeyd edən ilk ölkə olub.
Gənclər Günü necə təşkil olunmalıdır?
Milli Məclisin deputatı Hikmət Babaoğlu Qaynarinfo-ya açıqlamasında Gənclər Gününün mahiyyətindən danışıb. Onun sözlərinə görə, 30 il əvvəl – 1996-cı ildə mərhum Prezident Heydər Əliyev gənclərlə görüş keçirib və həmin görüşdə gənclər siyasətinin əsas istiqamətlərini konseptual şəkildə öz çıxışında ifadə edib. Bir il sonra isə Azərbaycanda Gənclər Gününün qeyd olunması ilə bağlı müvafiq sərəncam imzalanıb. 1997-ci ildən etibarən bu gün ölkəmizdə rəsmi olaraq qeyd olunur.
Deputat bildirib ki, Gənclər Gününün əsas özəlliyi Azərbaycan gəncliyini milli maraqlar ətrafında təşkilatlanmış formada səfərbər etməkdir:
"Əsas məqsəd Azərbaycan dövlətinə gənclərin sahib çıxması üçün onların maarifləndirilməsi, yetişdirilməsi və dövlət idarəçiliyinə cəlb olunması siyasətini həyata keçirməkdən ibarətdir".
Hikmət Babaoğlu vurğulayıb ki, Prezident İlham Əliyevin hakimiyyətə gəlişindən sonra bu konsepsiya daha da konkretləşib və tezisləşib. Onun sözlərinə görə, İlham Əliyevin gənclərə ünvanladığı "Sizə arxalanıram, siz də mənə arxalana bilərsiniz" fikri 30 illik gənclər siyasətinin məntiqi davamı kimi formalaşıb.
Deputat qeyd edib ki, bu siyasət Azərbaycan Prezidentinin sosial şəbəkələrdə ifadə etdiyi mövqedə də aydın görünür:
"Prezident haqlı olaraq bildirir ki, biz bu günkü gəncliklə fəxr edə bilərik. Doğrudan da, bugünkü Azərbaycan gəncliyi tarixi zəfərimizə imza atan gənclikdir”.
Hikmət Babaoğlu əlavə edib ki, bu siyasət eyni ardıcıllıqla davam etdirilməlidir ki, 30 il sonra gələn nəsillər də öz gəncliyi ilə fəxr edə bilsin.
Bahar Rüstəmli
Sonrakı hadisələr barədə daha çox məlumat almaq üçün ain.az saytını izləyin.
