Avstriyada məcburi hərbi xidmətin altı aydan səkkiz aya qədər uzadılması ilə bağlı referendum keçiriləcək.
“İki sahil” xəbər verir ki, bunu ölkənin Baş naziri Kristian Stoker bildirib.
DPA agentliyinin məlumatına görə, Ştoker səsvermənin nəticəsinin "siyasi partiyalar və hökumət üçün məcburi" olacağını bildirib.
Ötən həftə ekspert komissiyası əsas hərbi xidmətin altı aydan səkkiz aya qədər uzadılmasını və ehtiyatda olanlar üçün əlavə iki aylıq məcburi təlimin keçirilməsini təklif edib.
Avstriya NATO alyansının üzvü deyil və müdafiə mütəxəssisləri ölkənin silahlı qüvvələrinin hazırda ciddi çatışmazlıqlardan əziyyət çəkdiyini xəbərdar ediblər.
Avstriyada böhran halında səfərbərlik üçün təxminən 50.000 əsgəri olan peşəkar ordu və ehtiyat qüvvələri var.
Avstriyada kişilərin 18 yaşına çatdıqda hərbi xidmət keçməsi məcburidir. Onların hərbi xidmət əvəzinə dövlət qulluğunu seçmək hüququ var.
Məhərrəm Ağalaroğlu, “İki sahil”
