"Lənkəran" basketbol klubu amerikalı legioneri Bilal Şabaz ilə yollarını ayırıb.
Fanat.Az xəbər verir ki, cənub təmsilçisi məlumatı mətbuat xidməti vasitəsilə açıqlayıb.
Tərəflər müqaviləyə qarşılıqlı razılıq əsasında xitam veriblər.
25 yaşlı basketbolçu cənub təmsilçisinə cari mövsümün əvvəlində qoşulmuşdu.
Qeyd edək ki, "Lənkəran" bundan əvvəl Ankit Çoudhari və Antoni Tseqekele ilə də vidalaşıb. Komanda əvəzində kanadalı Rahem Sullivan ilə güclənib.
