UEFA Çempionlar Liqasının Liqa mərhələsinin sonuncu turu çərçivəsində keçirilən "Liverpul" - "Qarabağ" matçında maraqlı anlar yaşanıb.
Moderator.az "Unikal"a istinadla xəbər verir ki, "Enfild" stadionunda baş tutan oyunda azarkeşlər arasında matçı izləyən həmyerlimiz "Qarabağ"ın hücumçusu, baş məşqçi Qurban Qurbanovun oğlu Musa Qurbanlıya səslənib.
O, komandaya yeni transferlərin edilməsini istədiyini bildirib: "Musa, atana de, oyunçu alsın. Başqana de, pul xərcləsin, transfer etsin", - deyə azarkeş əlavə edib.
Qeyd edək ki, matç "Liverpul"un 6:0 hesablı qələbəsi ilə yekunlaşıb. Təmsilçimiz "Qarabağ" isə Çempionlar Liqasında növbəti mərhələyə yüksəlib.
