Erməni Apostol Kilsəsinin (AAK) yepiskopu Gevoq Saroyan ruhanilikdən məhrum edilib.
KONKRET.az xəbər verir ki, buna səbəb kimi onun patriarxal qərarı məhkəmədə mübahisələndirməsi, Masis (Masiatsotn) yeparxiyasının normal fəaliyyətinə mane olması və bu yolla dövlət strukturlarının kilsədaxili proseslərə müdaxiləsi üçün şərait yaratması göstərilir. Qərardan sonra Saroyan kilsədən xaric edilib, dünya adamı statusuna keçirilərək Arman Saroyan adı ilə qeyd olunacaq.
Hadisə AAK daxilində dərinləşən daxili parçalanmanın göstəricisidir.
“On mürtəd ierarx” ifadəsi kilsə rəhbərliyinə açıq itaətsizlik edən qrupun mövcudluğunu vurğulayır.
Kilsə məhkəməyə müraciəti kilsə-dövlət sərhədlərinin pozulması riski kimi qiymətləndirir və bunu ağır intizam pozuntusu sayır.
Bu qərar digərlərinə presedent siqnalı daşıyır: kilsədaxili mübahisələr mülki məhkəmələrə daşınarsa, sərt sanksiyalar mümkündür.
Ağagül Mürsəlov,
KONKRET.az
