Azərbaycan klublarının UEFA Çempionlar Liqasında vurduğu qolların ümumi sayı 150-yə çatıb.
Apasport.az xəbər verir ki, yubiley qolunu Bəhlul Mustafazadə vurub.
“Qarabağ”ın müdafiəçisi Liqa mərhələsinin VII turunun “Ayntraxt”la (Frankfurt, Almaniya) ev matçında qələbə topunun müəllifi olub – 3:2. Azərbaycan komandaları qitənin ən nüfuzlu klub turnirinin təsnifat və əsas mərhələlərinə keçirilən 116-cı matçda 150-yə çatıb.
Bu qollara 7 komanda imza atıb. “Qarabağ” hamıdan çox – 110 dəfə fərqlənib. “Neftçi” 18, “Bakı” 7, “Şəmkir” 6, “Kəpəz” 4, “Şamaxı” 3, “Xəzər Lənkəran” 2 qola sevinib. 150 qoldan 135-i təsnifat və pley-off, 15-i əsas mərhələlərdə (qrup və liqa) vurulub.
Qeyd edək ki, Çempionlar Liqasında Azərbaycan təmsilçilərinin ilk qoluna İmamyar Süleymanov imza atıb. O, 1998-ci il iyulun 22-də LKS (Polşa) – “Kəpəz” qarşılaşmasında (4:1) fərqlənib.
"Kəpəz" millinin sabiq üzvünü heyətinə qatıb
"Səbail" heyətini yeni futbolçu ilə gücləndirib
Günün oyunları bu kanallarda
Azərbaycanlı hakim Ermənistan millisinin oyununa təyinat alıb
Azərbaycan UEFA reytinqində bir pillə irəliləyib
