Bakı, 7 yanvar, AZƏRTAC
Ötən il ərzində Bakı, Sumqayıt və Naxçıvanın müxtəlif ərazilərində 12 “Tullantıları tinglərə dəyiş” aksiyası keçirilib. Aksiyalar zamanı 7 min 950 litr plastik, 1600 litr şüşə butulka, o cümlədən 2 min 120 ədəd işlənmiş batareya toplanıb.
Bu barədə AZƏRTAC-a Ekologiya və Təbii Sərvətlər Nazirliyindən məlumat verilib.
Bildirilib ki, aksiyalar zamanı vətəndaşlara 1500 ting paylanılıb.