Qazaxıstanın Azərbaycana yeni təyin edilmiş hərbi attaşesi, polkovnik Salauat Xayruşev, yanvarın 7-də Azərbaycan Respublikasının müdafiə naziri general-polkovnik Zakir Həsənov tərəfindən qəbul edilib.
Müdafiə Nazirliyindən bildirilib ki, nazir qonağı ölkədə fəaliyyətə başlaması münasibətilə təbrik edib və Azərbaycan-Qazaxıstan hərbi əməkdaşlığının genişləndirilməsi istiqamətində uğurlar arzulayıb.
Polkovnik Xayruşev göstərilən etimada görə təşəkkürünü bildirərək fəaliyyət müddətində hərbi əlaqələrin möhkəmləndirilməsi üçün səylərini əsirgəməyəcəyini vurğulayıb. Görüş zamanı hərbi, hərbi-texniki, hərbi-təhsil və digər sahələrdə əməkdaşlığın cari vəziyyəti və yeni perspektivləri müzakirə olunub.
