Bakı, 6 yanvar, AZƏRTAC
Şri-Lanka 2025-ci ildə rekord sayda xarici turist qəbul edib.
AZƏRTAC xəbər verir ki, bununla da, ölkənin turizm gəlirləri illik rekord göstəriciyə çatıb. Şri-Lankanın xarici işlər, xarici məşğulluq və turizm naziri il ərzində 2,36 milyondan çox xarici turistin ölkəyə gəldiyini və bunun qeydə alınan ən yüksək nəticə olduğunu söyləyib.
Nazir əlavə edib ki, Şri-Lankanın 2025-ci ildə turizm gəlirləri 3,2 milyard dollar təşkil edib. Bildirib ki, noyabr ayının sonunda adaya Ditva siklonunun təsirinə baxmayaraq, siyasi dəstək tədbirləri və təşviqat fəaliyyəti sayəsində fəlakətdən sonra turist axını davam edib.
