2-ci Liqanın lideri "Qaradağ Lökbatan" 4 futbolçusu ilə vidalaşıb.
Bu barədə Fanat.Az-a komandanın baş məşqçisi Qəzənfər Abbasov məlumat verib:
"Dörd oyunçu ilə artıq yollarımızı ayırmışıq. Bunlar qapıçı Əli Kərimov, müdafiəçi Ceyhun Ağazadə və yarımmüdafiəçilər - Mehdi Həşimov və Ayxan Məcidovdur. Əlbəttə ki, heyəti gücləndirməkdə qərarlıyıq. Bu yöndə danışıqlar gedir".
Qeyd edək ki, 39 xalla turnir cədvəlinin 1-ci pilləsində mövqe tutan "Qaradağ Lökbatan" 2-ci yerdəki "Xankəndi"ni əlavə göstəricilərə görə qabaqlayır.
Nihat
