ain.az bildirir, Cebheinfo portalına istinadən.
İranın Pakistanla sərhədində "Əl-Qaidə" terror təşkilatına bağlı olan "Ceyşul-Ədl" silahlı qruplaşmasının üzvləri ilə sərhəd mühafizəçiləri arasında silahlı qarşıdurma baş verdiyi bildirilib.
"Cebheinfo.az" “Mehr” agentliyinə istinadən xəbər verir ki, Sistan-Bəluçistan sərhəd mühafizə komandanı Rza Şəcai məsələ ilə bağlı açıqlama verib.
O bildirib ki, İran-Pakistan sərhədində, Sistan-Bəluçistan əyalətinə bağlı Seravan şəhərində sərhəd mühafizəçiləri ilə “İran ərazisinə daxil olmağa çalışan terrorçular” arasında silahlı toqquşma baş verib.
O, qarşıdurma zamanı “Ceyşül-Ədl” üzvlərinin ağır itkilər verdiyini, qaçanların isə arxada çoxlu sayda silah və sursat buraxdığını qeyd edib.
Hadisə yerində aparılan axtarış zamanı 4 ədəd “AKS-74” tipli "Kalaşnikov" markalı avtomat silah, 10 ədəd ona məxsus daraq və 132 ədəd güllə, 1 ədəd tapança, 10 ədəd “SPG-9” mərmisi, 2 ədəd əl qumbarası, 3 ədəd “RPG-7” mərmisi, 240 ədəd 7,62 kalibrli avtomat gülləsi, 20 ədəd snayper gülləsi, 232 ədəd “NSV” pulemyotun gülləsi və 1 ədəd tapança darağı ələ keçirilib.
İranın “terror təşkilatı” kimi tanıdığı “Ceyşül-Ədl” qruplaşması, ölkədəki “sünni bəluç xalqının hüquqlarını müdafiə etdiyini” iddia edərək, xüsusilə cənub-şərq bölgələrində Tehran rejiminə qarşı silahlı mübarizə aparır.
Nigar Hacılı
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Sonrakı hadisələr barədə daha çox məlumat almaq üçün ain.az saytını izləyin.
