Bu gün Misli Premyer Liqasında XV turun oyunlarına yekun vurulub.
Fanat.Az xəbər verir ki, Yuri Vernidubun rəhbərliyi altında ilk oyununa çıxan "Neftçi" doğma meydanda "Sumqayıt"la sülhə razılaşıb.
Matçdan sonra keçirilən mətbuat konfransında qonaqların məşqçisi Şahin Abdullayevin oyunla bağlı fikirlərini jurnalistlərlə bölüşüb:
"Gözlədiyimiz kimi ağır oldu. Oyunun 60-65 dəqiqəsi rəqibin üstünlüyü ilə keçdi. İlk hissədə əsas problemlərimizdən biri top itkilərimizin çox olması oldu. Sonradan topa nəzarət etməyə çalışdıq. Rəqibi analiz etmişdik və bilirdik ki, 65-70-ci dəqiqədən sonra oyunlarında eniş olur. Ona görə bir neçə oyunçunu ehtiyatda saxlamışdıq. Etdiyimiz dəyişikliklər də uğurlu oldu, yekunda 1 xalı qazana bildik"
