Sumqayıt-Bakı xətti: müasir texnikada PAZ avtobus rejimi

Noyabrın əvvəlində Bakı-Sumqayıt marşrutu üzrə 500 saylı avtobus xətti istifadəyə veriləndə çoxları sevindi. Nəhayət, Bakıya ən yaxın şəhərin sakinləri paytaxta komfortlu avtobuslarla gəlib-gedə biləcəklər. 

Avtobusların komfortu və sazlığı baxımından hər şey yaxşıdır. Ayrıca avtobus zolağının olması isə ümumiyyətlə yerinə düşür. Düzdür, bəzi sürücülər 2 maşın qabağa düşmək üçün yol kəsişmələrində zolağa girib hərəkət edirlər. Bu da avtobusların müəyyən qədər  ləngiməsinə səbəb olur. Yəqin məsələnin çarəsi yaxın vaxtlarda tapılacaq.

Amma işin lüzumsuz tərəfi də var. 2 şəhər arasında işləyən avtobuslara sürət məhdudiyyəti tətbiq edilib. Heç bir avtobus saatda 60 kilometrdən yuxarı hərəkət edə bilmir. Halbuki, bu xətdəki avtobusların texniki göstəriciləri 90 km/saat sürətlə təhlükəsiz şəkildə hərəkətə imkan verir. Aşağı sürət həm yolun səmərəsini, həm də avtobusların resursunu azaldır. Mühərrik bu sürətdə 3000 dövr/dəqiqədən yüksək tezliklə işləyir. Sürət artmadığı üçün daha yuxarı ötürməyə keçmək olmur. Nəticədə həm yanacaq sərfiyyatı artır, həm də mühərrikin dağılması sürətlənir. 

Belə olduğu halda, sovetdən qalmış sürət rejimi kimə lazımdır? Avtobuslar üçün magistralda 60 km/saat sürət rejimi Rusiya və onun çətiri altında olan ölkələrdə (Vyetnam, Laos və s.) tətbiq olunur və məqsəd sürücülərdən pul qoparmaqdır. 

Azərbaycanda isə vəziyyət başqadır. Qanunvericilik şəhərlərarası yollarda avtobusların sürəti 90 km/saatadək artırmasına icazə verir. Yəni, PAZ və

LAZ avtobuslar dövrü çoxdan geridə qalıb. 

Bakı-Sumayıt yolunda avtobuslara 70-80 km/saat sürətlə hərəkətə icazə verilsə həm sərnişinlər mənzil başına daha tez çatar, həm yolun buraxıcılığı artar, həm də texnika daha az aşınar.

Vüqar

• Avtobus
• Rejim
• TÉ™chizat
• Komfort
• Bakı-Sumqayıt