“Real Sosyedad” klubunun baş məşqçisi Serxio Fransisko vəzifəsindən uzaqlaşdırılıb.
90deqiqe.Az-ın məlumatına görə, bu barədə klubun mətbuat xidməti məlumat yayıb.
Mütəxəssis cari ilin yayından komandanı çalışdırırdı. Qeyd edək ki, San-Sebastyan təmsilçisinin heyətində 22 yaşlı rusiyalı yarımmüdafiəçi Arsen Zaxaryan çıxış edir.
İspaniya La Liqasında 16 turdan sonra “Real Sosyedad” 16 xalla turnir cədvəlinin 15-ci pilləsində qərarlaşıb. Fransiskonun rəhbərliyi altında keçirilən son oyunda komanda evdə “Jirona”ya 1:2 hesabı ilə uduzub.
