"Bavariya"nın yarımmüdafiəçisi Lennart Karl Çempionlar Liqasında rekorda imza atıb.
QOL.az "Opta"ya istinadən xəbər verir ki, almaniyalı oyunçu turnirdə ardıcıl üç oyununda qol vuran ən gənc futbolçu olub.
Ötən gecə "Sportinq"lə görüşdə (3:1) rəqib qapsına yol tapan 17 yaşlı futbolçu "Brugge" və "Arsenal"la oyunların hərəsində də qol vuraraq 1992/93 mövsümündən bəri bu nailiyyətə imza atan ən gənc oyunçu olub.
Karl üçüncü qolunu vuranda 17 yaş 290 günlük olub.
Qeyd edək ki, Lennart Karl bu mövsüm "Bavariya"da ümumilikdə 21 oyuna 5 qol vurub, 2 qol ötürməsi edib.
