Azpolitika.az portalından verilən məlumata əsasən, ain.az bildirir.
ABŞ Prezidenti Donald Tramp aqrobiznes nümayəndələri ilə görüşdə ölkəsinin Ukraynaya Rusiya ilə müharibədə yardım üçün pul xərcləmədiyini, əksinə, bu prosesdən qazanc əldə etdiyini bildirib.
“AzPolitika” xəbər verir ki, görüş Ağ Ev tərəfindən YouTube kanalında yayımlanıb.
Tramp çıxışında əvvəlki prezident Co Baydenin Ukraynaya dəstək üçün guya 350 milyard dollar xərclədiyi barədə Ukrayna tərəfindən artıq təkzib olunmuş rəqəmləri yenidən səsləndirib.
“Mən onlara heç nə vermədim. Mən onlara… yaxşı, əvvəldə “Javelin” verdim. Obama isə onlara yorğan verirdi…” - deyə o, bildirib.
Tramp son bir ayda Ukraynada “əsasən əsgərlər” olmaqla təxminən 27 min insanın öldüyünü iddia edib. O, həmçinin Kiyevə raket zərbələri nəticəsində həlak olan mülki şəxsləri xatırladaraq bunu dayandırmaq istədiyini vurğulayıb.
Bununla yanaşı, prezident qeyd edib ki, onun hakimiyyəti dövründə ABŞ NATO ölkələrinə silahları “tam qiymətinə” satır və həmin silahlar sonradan Ukraynaya göndərilir.
“Biz pul xərcləmirik. Bizim etdiyimiz insani səylərə vaxt sərf etməkdir. Biz insanların ölümünü dayandıra biləcəyimizə baxmaq istəyirik,” – deyə Tramp əlavə edib.
“AzPolitika.info”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
