Amerikalı televiziya ulduzu Kim Kardaşyan Parisdəki soyğunçuluq məhkəməsində milyon dollarlıq brilyantlarda görünməsini izah edib.
Publika.az xəbər verir ki, bu barədə "People" jurnalı yazıb.
İş qadını quldurların onu sındırmasına imkan verməyəcəyini bildirib. Kardaşyanın sözlərinə görə, baş verənlərdən sonra o, illər boyu bahalı zinət əşyaları taxa bilməyib.
"O quldurları ələ salmaq istədim. Nə istəsəm geyinəcəm", - deyə məşhur vurğulayıb.
Kardaşyanın məhkəməyə 10 karatlıq armud formalı brilyant da daxil olmaqla 80 almazdan ibarət qızıl boyunbağı taxaraq gəldiyi bildirilir. 52 karatlıq parça 1,5 milyon dollar dəyərində qiymətləndirilir. O, həmçinin ayaq bilərziyi, üzük və bir neçə brilyant sırğa ilə də bəzənib.
