BAKI, 4 dekabr. TELEQRAF
Tramp Koloradoda məhkum edilmiş eks-vəzifəli Tina Pitersin azadlığa buraxılmasını tələb edib.
Teleqraf xəbər verir ki, ABŞ prezidenti Donald Tramp Kolorado ştatının qubernatoru, demokrat Cared Polisi sərt şəkildə tənqid edərək keçmiş rayon klerki Tina Pitersin azadlığa buraxılmasını tələb edib. Tramp bu barədə "Truth Social"da paylaşım edib.
Tramp Polisi “murdar qubernator” adlandıraraq onu “siyasi motivli hökmə” görə yaşlı qadının azad edilməsini rədd etməkdə ittiham edib:
“Tina Piters seçki saxtakarlığına görə deyil, demokratların etdiyini ifşa etməyə çalışdığı üçün məhkum olunub. O, federal qanuna uyğun olaraq seçici qeydlərini qoruyurdu”, – deyə Tramp yazıb.
Tina Piters kimdir?
Mesa County-nin keçmiş klerki 2020 seçkilərindən sonra sənədlərin saxtalaşdırılması və vəzifəli şəxslərin fəaliyyətinə mane olmaqda təqsirli bilinib. 9 il həbs cəzası alıb, onun 1 ildən çoxunu artıq çəkib.
Tramp onu “xərçəngdən sağ çıxmış qadın” kimi təqdim edib.
