Bütün hallarda "hakimiyyətdaxili problem" haqda iddia nə qədər gülməli görünürsə, Əli Kərimlinin dövlətə qarşı ağır cinayətlərə hazırlıqda şübhəli bilinərək saxlanması bir o qədər əsaslı təsir bağışlayır. Və mən heç şübhə etmirəm ki, əlində dəlillər olmadan Dövlət Təhlükəsizlik Xidməti nə Əli Kərimli ilə bir neçə yandaşını şübhəli qismində saxlayar, nə də onun evində axtarış aparardı.
Maraqlıdır ki, Əli Kərimlinin evində axtarış aparılarkən Ramiz Mehdiyevin Kremlə göndərdiyi məktubunun redaktə olunmamış variantının və onun "Milyarderlər İttifaqı" deyilən yığnaqla əlaqələrini təsdiqləyən sənədlərin üzə çıxdığı xəbər verilir. Həmən "Milyarderlər İttifaqı"nın Rusiyadan Azərbaycana lider qismində ixracı planlaşdırılan namizədini Əli Kərimli ilə yanaşı "Milli" Şuradakıların demək olar ki, əksəriyyəti dəstəkləyirdilər. Və əgər "Milli" Şura adından Rusiya Prezidentinə yazılan məktubla Ramiz Mehdiyevin müəllifi olduğu bildiriləni tutuşdursanız müəyyən bənzərliklərin olduğunu da görəcəksiniz.
Yeri gəlmişkən, burada bəlli trol sürüsü kütləyə aşılamağa çalışır ki, Ramiz Mehdiyevin sözü gedən məktubunun qaralama variantını axtarışa gedənlərin guya özləri Əli Kərimlinin evinə aparıblarmış. Tutaq ki, elədir, 2013-cü ildə eyni niyyətlə Rusiya Prezidentinə göndərilən və ona "demokratik Lider", "hüquq dövləti qurucusu" olaraq difirambların oxunduğu namənin altından Əli Kərimlinin yerinə imza qoyan da DTX idi?
Sahib Alıyev
Milli Məclisin deputatı
Təklifinizi, şikayətinizi bizə yazın. Sizi dinlərik. 055 634 88 31
