Bakı, 30 noyabr, AZƏRTAC
Bu gün futbol üzrə Misli Premyer Liqasında XIII tura yekun vurulacaq.
AZƏRTAC xəbər verir ki, son oyun günündə 2 qarşılaşma keçiriləcək.
Günün ilk matçında "Şamaxı" öz meydanında "Sumqayıt"ı qəbul edəcək. Görüş saat 14:00-da başlayacaq.
Turun bağlanış oyununda isə "Araz-Naxçıvan" "Qəbələ"nin qonağı olacaq. Qarşılaşma saat 16:30-da start götürəcək.
Qeyd edək ki, XIII turun əvvəlki matçlarında "Zirə" "Kəpəz"ə, "Qarabağ" "Karvan-Yevlax"a 2:0, "Sabah" "İmişli"yə 3:0 hesabı ilə qalib gəlib, "Turan Tovuz" isə "Neftçi" ilə qolsuz heç-heçə edib.
