“Ukrayna lideri Vladimir Zelenskinin ofisinin keçmiş rəhbəri Andrey Yermak axtarışlardan əvvəl bütün cihazlarını yeniləri ilə əvəz edib, ona görə də korrupsiyaya qarşı mübarizə orqanlarının onun evindən nəsə tapması ehtimalı azdır”.
“Cebheinfo.az” xəbər verir ki, bu barədə Ukrayna Ali Radasının deputatı Yaroslav Jeleznyak özünün “Telegram” kanalında bildirib.
"Düzünü desək, Yermak buna hazır idi və bütün cihazlarını yeniləri ilə əvəz etdi. Ona görə də maraqlı bir şeyin baş verəcəyini düşünmürəm", - deyə o vurğulayıb.
Ukrayna mediası 29 noyabrda korrupsiyaya qarşı mübarizə orqanlarının Yermakın evində axtarışlar zamanı telefonları və noutbukları müsadirə etdiyini bildirib.
Qeyd edək ki, noyabrın 28-də Vladimir Zelenski Yermakın istefasını qəbul edib. Məhz Ukrayna prezidentinin ən yaxın müttəfiqinin vəzifədən azad edilməsi, Yermakın evində enerji sektorundakı korrupsiya qalmaqalı fonunda axtarış aparıldıqdan sonra məlum olub.
Hazırda Yermak qarşı rəsmi olaraq hər hansı bir ittiham irəli sürülmür. Lakin Ali Radanın deputatı Oleksiy Qonçarenko siyasətçinin Zelenskinin "pul kisəsi" kimi tanınan iş adamı Timur Mindiçin korrupsiya sxemlərində iştirak etdiyinə inanır.
“Cebheinfo.az”
