Gəncə Dövlət Filarmoniyasında "DəyərliSƏN" inkluziv konsert proqramı təşkil olundu - FOTO

Fikrət Əmirov adına Gəncə Dövlət Filarmoniyasında 3 Dekabr - Beynəlxalq Əlilliyi olan Şəxslər Günü münasibətilə "DəyərliSƏN"  inkluziv konsert proqramı təşkil olundu.

Tədbirdə Gəncə Şəhər İcra Hakimiyyətinin nümayəndələri, millət vəkilləri, eləcə də bir sıra dövlət qurumlarının və idarələrin rəhbərləri iştirak ediblər.

Konsert proqramında müxtəlif inkluziv yaradıcı kollektivlərin çıxışları təqdim olunub. Səhnədə "Xalq rəqsi", "Tık-tık xanım" tamaşasından fraqment, "Şən Azərbaycan" rəqsi, Hüseyn Cavidin "Qız məktəbində" əsərindən dialoq, "Nəlbəki" rəqsi, "Şuşanın dağları" mahnısı, "Həyat bayram olsa" kompozisiyası nümayiş etdirilib.

Proqramda 4 saylı Uşaq Evi Sosial Xidmət Müəssisəsinin, 3 və 4 saylı Psixonevroloji Sosial Xidmət Müəssisələrinin sakinləri fəal iştirak edərək tamaşaçılara yaddaqalan anlar yaşadıblar.

İnformasiya dəstəyi - Trend.Az, Day.Az, Milli.Az

Məqaləyə dair fotomateriallar:

• Mədəniyyət
• Gəncə Dövlət Filarmoniyası
• Beynəlxalq Əlilliyi Olan Şəxslər Günü
• Dəyərlisən