Apa.az saytından verilən məlumata əsasən, ain.az məlumatı açıqlayır.
Laçın şəhərində “MDB-nin Mədəniyyət Paytaxtı – 2025”in bağlanış mərasimi çərçivəsində şəhər gəzintisi təşkil olunub.
APA-nın Laçına ezam olunmuş müxbirinin məlumatına görə, gəzinti ilk olaraq "Hoçazfilm" yaradıcılıq studiyasından başlayıb. Qonaqlar burada yaradılmış çəkiliş meydançaları ilə tanış olublar və studiyanın fəaliyyəti barədə məlumatlandırılıblar.
Daha sonra mərasim iştirakçıları "Gilabi yaradıcılıq mərkəzi"ndə və "Yurdu Qaleri"də olublar. Onlar burada gildən hazırlanmış əl işləri, xalçalar və rəsm sərgisi ilə tanış olublar.
Qeyd edək ki, bağlanış mərasimində Belarus, Qazaxıstan, Qırğızıstan, Özbəkistan, Rusiya və Tacikistandan nümayəndələr iştirak edirlər.
Xatırladaq ki, MDB Humanitar Əməkdaşlıq Şurasının 2024-cü il 8 oktyabr tarixli qərarına əsasən, Azərbaycanın Şərqi Zəngəzur bölgəsinin Laçın şəhəri 2025-ci il üçün “MDB-nin Mədəniyyət Paytaxtı” elan edilib.
Ən son xəbərləri və yenilikləri almaq üçün ain.az saytını izləyin.
