Avropa istehsalçısı "Airbus" A320 ailəsinə aid təxminən 6000 təyyarəni əhatə edən genişmiqyaslı proqram təminatı geri çağırılmasına başlayıb.
Bakıvaxtı.az xəbər verir ki, günəş radiasiyasının uçuşa nəzarət məlumatlarını poza biləcəyi müəyyən edildikdən sonra təhlükəsizlik məqsədilə bütün operatorlara Operator Alert Notice (AOT) göndərilib.
Bu xəbərdarlıqdan sonra Türkiyədə də bir sıra təyyarələr ehtiyat tədbiri olaraq uçuşdan çıxarılıb:
Türk Hava Yolları - 8 A320
Pegasus - bəzi A320-lər
AJet - 7 A320
Hazırda bütün hava yolları EASA və Airbus ilə koordinasiyada texniki yoxlamaları və proqram yeniləmələrini həyata keçirir.
THY Kommunikasiya Direktoru Yahya Üstün bildirib ki, sözügedən 8 təyyarə qiymətləndirilib və prosedurlar tamamlandıqdan sonra təhlükəsiz şəkildə xidmətə qaytarılacaq.
