BAKI, 29 noyabr. TELEQRAF
Gürcüstanın əsas müxalifət partiyalarından biri olan "Lelo – Güclü Gürcüstan"ın tanınmış liderlərindən Aleko Elişvili saxlanılıb.
Teleqraf xəbər verir ki, bu barədə siyasətçinin vəkili Giorgi Rexpiaşvili bildirib.
Vəkilin sözlərinə görə, Elişvili barəsində cinayət işi üzrə saxlanılıb və hazırda o, Dəğümi (Dighomi) təcridxanasına aparılır.
“Onunla görüşməyə icazə verilib-verilmədiyi hələ məlum deyil. Hazırda əlimizdə olan tək məlumat budur: bu gün səhər saatlarında küçədə saxlanılıb və cinayət maddəsi ilə tutulub”, – deyə vəkil bildirib.
Hadisə ilə bağlı əlavə detallar hələlik açıqlanmayıb.
