.jpg)
“Liverpul”un keçmiş yarımmüdafiəçisi Ditmar Hamann hesab edir ki, baş məşqçi Arne Sloot istefaya göndərilməyə yaxındır.
Publika.az xəbər verir ki, Hamann bu barədə öz köşəsində yazıb:
"Liverpul"un PSV-yə 1:4 hesablı məğlubiyyəti 12 matçda doqquzuncu oldu. Düşünürəm ki, Arne Sloot komandaya nəzarəti itirib. Komanda dağılır, hər kəs istədiyini edir, PSV-nin ikinci qolundan əvvəl Salah etdiyi kimi.
“Liverpul”un Premyer Liqada ilk dördlüyə düşməkdə ciddi problemləri olacaq. Mən inanmıram ki, bu problemlər tez və ya asanlıqla həll olunsun. Vəziyyət o qədər mürəkkəbdir ki, klub heç şübhəsiz baş məşqçinin perspektivlərini müzakirə edəcək.
