ain.az, Idman.biz portalından verilən məlumatlara əsaslanaraq xəbər verir.
“İkinci hissədə bizim üçün işlər daha yaxşı alındı və düşünürəm ki, qələbəyə layiq olan tərəf biz idik”.
Bunu “Zirə”nin futbolçusu Leroy Mikels səfərdə “Kəpəz”ə 2:0 hesabı ilə qalib gəldikləri Azərbaycan Premyer Liqasının XIII tur matçından sonra Sportnet.az-a müsahibəsində deyib.
İdman.Biz müsahibəni təqdim edir:
- Ümumilikdə matçı necə dəyərləndirərdiniz?
- Açığı, gərgin oyun alındı. “Kəpəz” bu mübarizəyə nə dərəcədə hazır olduğunu göstərdi. Amma ikinci hissədə bizim üçün işlər daha yaxşı alındı və düşünürəm ki, qələbəyə layiq olan tərəf biz idik.
– Vurduğunuz gözəl qolu necə şərh edərdiniz?
- Düşünürəm ki, vurduğum qol bir az Kriştianu Ronaldunun qollarına bənzədi.
– Bu qolda Ronaldudan ilham almısınızmı?
- Nə dərəcədə ilham verdiyini dəqiq deyə bilmərəm, amma əksər komanda yoldaşlarım vurduğum qolu Kriştianu Ronaldunun qoluna bənzətdiklərini deyirlər.
– Qardaşlarınızla rəqib olaraq üz-üzə gəldikdə nə hisslər keçirirsiniz?
- Qardaşlarımla eyni çempionatda mübarizə aparmaq çox yaxşı hissdir. Artıq aramızda “kim daha çox qol vuracaq” rəqabəti var.
İdman.Biz
Daha ətraflı məlumat və yeniliklər üçün ain.az saytını izləyin.
