ain.az, Demokrat.az saytına istinadən bildirir.
“Azyaşlı uşaqların dini məclislərə cəlb olunması İslamda tamamilə qadağan edilmiş məsələ deyil. Lakin bunun müəyyən şərtləri və həssas yanaşma tələb edən tərəfləri var”.Bu sözləri Demokrat.az-a açıqlamasında ilahiyyatçı Elmir Vəliyev bildirib.O deyib ki, şəriətə görə ibadət məsuliyyəti buluğ yaşından sonra başlayır:“Yəni uşaq 7–10 yaşa qədər yalnız tanışlıq və tərbiyə məqsədilə ibadətə yönləndirilə bilər. Bu proses məcburiyyət üzərində deyil, sevgi, mərhəmət və anlayış üzərində qurulmalıdır. Hədislərdə uşaqlara namazın tədricən öyrədilməsi tövsiyə edilir. Dini tədbirlər, xüsusilə ictimai xarakterli və kütləvi məclislər, müəyyən nizam-intizamı olan ibadət və mərasimlərdir. Uşağın dini mühitə daxil olması yaşına və psixoloji hazırlığına uyğun şəkildə, valideyn nəzarəti ilə, ən əsası isə ibadətə sevgi formalaşdırmaq məqsədilə həyata keçirilməlidir. İslam uşağın imana sevgi ilə yetişdirilməsini dəstəkləyir. Ağır dini mərasimlərə və məclislərə onların məcburi və nəzarətsiz cəlb olunması nə dini, nə də praktik baxımdan doğru sayılır. Uşağa din sevdirilməli, lakin dini mühit onun yaş xüsusiyyətlərinə uyğun şəkildə təqdim edilməlidir”.Leyla Turan
Demokrat.az
Hadisənin gedişatını izləmək üçün ain.az saytında ən son yeniliklərə baxın.
